நடிகர் விஜய் நடித்துள்ள பிகில் படத்திற்கு U/A சான்றிதழ் வழங்கியது தணிக்கை வாரியம் வழங்கியுள்ளது.
அட்லி இயக்கத்தில் தெறி , மெர்சல் மாபெரும் வெற்றிபெற்றதை தொடர்ந்து 3வது முறையாக விஜய் – அட்லி பிகில் படத்தில் இணைந்துள்ளனர் . இப்படத்தை அர்ச்சனா கல்பாத்தியின் ஏஜிஎஸ் என்டெர்டெய்ன்மெண்ட் நிறுவனம் தயாரித்துள்ளது . ஏஆர் ரகுமான் இப்படத்திற்கு இசையமைத்துள்ளார்.இப்படம் பெண்கள் கால்பந்து விளையாட்டு குறித்த கதையம்சத்தை கொண்டதாகவும், விஜய் கால்பந்து பயிற்சியாளராக இருப்பதாகவும் கூறப்படுகிறது.
அப்பா, மகன் என இரண்டு வேடத்தில் விஜய் நடித்திருப்பதாக தெரிகிறது. இப்படத்தில் விஜய்க்கு ஜோடியாக நயன்தாரா நடித்திருக்கிறார். மேலும் காமெடி நடிகர் விஜய், டேனியல் பாலாஜி, யோகி பாபு, பரியேரும் பெருமாள் கதிர் உட்பட பலர் இப்படத்தில் நடித்துள்ளனர்.பிகில் படத்தின் ட்ரைலர் கடந்த 12_ஆம் தேதி வெளியாகி பல சாதனைகளை செய்தது.
மேலும் பிகில் பட இசைவெளியீட்டு விழாவில் நடிகர் விஜய் அரசியல் குறித்து பேசியதால் சென்சார் வாங்குவதில் சிக்கல் வருமென்று சொல்லப்பட்டநிலையில் தற்போது பிகில் படத்திற்கு U/A சான்றை சென்சார் வழங்கியுள்ளது. மேலும் பிகில் படத்தின் ரன்னிங் நேரம் 2 மணி 59 நிமிடங்கள் என்றும் சென்சார் வழங்கியுள்ள சான்றிதழில் குறிப்பிடப்பட்டுள்ளது. இன்று காலை தான் பிகில் பட தேதி விரைவில் வெளியிடப்படுமென்று தயாரிப்பு நிறுவனம் தெரிவித்திருந்தது குறிப்பிடத்தக்கது.