தொடக்க வேளாண்மை கூட்டுறவு சங்க வளாகத்தில் நடைபெற்ற பருத்தி ஏலத்தில் 584 பருத்தி மூட்டைகள் விற்பனையாகியுள்ளது.
நாமக்கல் மாவட்டத்தில் வாரந்தோறும் திங்கட்கிழமை அன்று ராசிபுரம் வேளாண்மை உற்பத்தியாளர்கள் கூட்டுறவு விற்பனை சங்கம் சார்பில் அக்கரைப்பற்றில் உள்ள தொடக்க வேளாண்மை கூட்டுறவு சங்க வளாகத்தில் பருத்தி ஏலம் நடை பெறுவது வழக்கம். இந்த ஏலத்திற்கு நாமக்கல், கோயம்புத்தூர், அவிநாசி, சேலம், திருப்பூர், மகுடஞ்சாவடி, ஆத்தூர், எடப்பாடி, கொங்கணாபுரம் என பல்வேறு பகுதியில் இருந்து வியாபாரிகள் ஏலத்தில் கலந்து கொண்டுள்ளனர்.
இதனையடுத்து அக்கரைப்பட்டி, பொரசல்பட்டி, மாமுண்டி, ராசாபாளையம், மல்லசமுத்திரம், மதியம்பட்டி, நத்தமேடு, குருசாமிபாளையம், வெண்ணந்தூர், சவுதாபுரம், வாய்க்கால் பட்டறை பகுதியில் இருந்த விவசாயிகள் தாங்கள் சாகுபடி செய்த சுரபி ரக பருத்தியை கொண்டு வந்துள்ளனர். இந்நிலையில் பருத்தி குவிண்டால் ஒன்றுக்கு குறைந்தபட்ச விலையாக 9,640 ரூபாய்க்கும் அதிகபட்ச விலையாக 10,650 ரூபாய்க்கும் விற்பனை செய்யப்பட்டுள்ளது. அதன்படி 584 பருத்தி மூட்டைகள் என மொத்தம் 18 லட்சம் ரூபாய்க்கு விற்பனையாகியுள்ளது.