இயக்குனர் பா ரஞ்சித் விஜயை சந்தித்து சூப்பர்ஹீரோ படத்தின் கதையைக் கூறியிருக்கிறார். இதுகுறித்து விஜய் ஒரு நாள் என்னை அழைப்பார் என்று காத்திருப்பதாக அவர் கூறியுள்ளார்.
அட்டகத்தி படத்தின் மூலம் தமிழ் திரையுலகில் இயக்குனராக அறிமுகமானவர் பா ரஞ்சித். தனது முதல் படத்திலேயே தன்னைப்பற்றி அனைவரையும் பேச வைத்தார். இதையடுத்து மெட்ராஸ் படம் மூலம் மேலும் பிரபலமானார். ரஜினியை வைத்து கபாலி, காலா என்ற இரண்டு படங்களை இயக்கினார். கபாலி மற்றும் காலா ஆகிய இரண்டு படங்களும் ரஜினியின் கேரியரில் மிகவும் முக்கியமான படங்களாக அமைந்து விட்டது. இதையடுத்து ஆர்யாவை வைத்து ‘சார்பட்டா பரம்பரை’ என்ற படத்தை இயக்கி வருகிறார்.
இந்த படத்தின் முதல் போஸ்டர் வெளியாகி அனைவரின் பாராட்டையும் பெற்றுள்ளது. மேலும் சில புகைப்படங்கள் வெளியாகி ரசிகர்களை கவர்ந்துள்ளது. ஆர்யாவின் ஜிம் பாடியை பார்த்து அனைவரும் வியந்து வருகின்றனர். இந்நிலையில் ரஞ்சித்தின் பெயர் விஜய் உடன் சேர்த்து பேசப்படுகின்றது. சமீபத்தில் ரஞ்சித் விஜய்யை சந்தித்து சூப்பர் ஹீரோ கதையை கூறி இருக்கிறார்.
இந்த கதை மிகவும் பிடித்திருக்கிறது என்று விஜய் கூறியுள்ளார். ஆனால் அந்த படம் கைகூடவில்லை. இருப்பினும் விஜய் ஒரு நாள் தானை அழைப்பார் என்று பா. ரஞ்சித் காத்திருப்பதாக கூறியுள்ளார். விஜய் மாஸ்டர் படத்தின் ரிலீசுக்காக காத்திருக்கிறார். இவரது அடுத்த படமான தளபதி 65 யார் இயக்கப் போகிறார் என்பது குறித்து திரையுலகில் கடந்த சில நாட்களாக பேசப்பட்டு வருகிறது. நெல்சன் திலீப்குமார் தளபதியின் 65 வது படத்தை இயக்கப் போகிறார் என்று என்று கூறப்படுகிறது. ஆனால் அதிகாரப்பூர்வ அறிவிப்பு வெளியாகும் வரை எதையும் நம்ப முடியாது. இதற்கிடையே துரு விக்ரம் வைத்து மாரி செல்வராஜ் இயக்கும் படத்தை ரஞ்சித் தயாரிக்க உள்ளாராம்.