தலையில் பலா பழத்தை வைத்துக்கொண்டு சுயேச்சை வேட்பாளர் பிரசாரம் செய்யும் வீடியோ வைரலாகி வருகின்றது.
இந்தியாவில் மக்களவைத் தேர்தல் வருகின்ற 11-ம் தேதி தொடங்கி மே 19-ம் தேதி வரை என 7 கட்டமாக நடைபெறுகின்றது. இந்த தேர்தலுடன் சேர்த்து ஆந்திரா, அருணாச்சல பிரதேசம், ஒடிசா மற்றும் சிக்கிம் ஆகிய மாநிலங்களுக்கு சட்டமன்றத் தேர்தலும் நடைபெற உள்ளது. இதற்கான தீவிர பிரச்சார பணியில் அரசியல் கட்சிகள் ஈடுபட்டுள்ளன. தேர்தல் அறிக்கைகள் மூலமாக மக்களுக்கு பல்வேறு வாக்குறுதிகளை அளித்து, பரப்புரை மேற்கொண்டுள்ளன.
பிரதான அரசியல் கட்சிகளின் மீது விழும் நம்முடைய பார்வை சுயேச்சை வேட்பாளர்கள் மீது விழுவதில்லை. ஆனாலும் பல்வேறு சுயேச்சை வேட்பாளர்கள் வித்தியாசமான முறையில் செய்து வரும் சுவாரஸ்யமான தேர்தல் பிரசாரம் சில நேரங்களில் சமூக வலைதளத்தில் வைரலாகி வருகின்றது. அப்படி தற்போது சுயேச்சை வேட்பாளர் ஒருவரின் பிரசாரம் வைரலாகி வருகின்றது. தன்னுடைய தலையில் பலா பழத்தை வைத்துக்கொண்டு நான் விவசாயிகளின் கடனை தள்ளுபடி செய்வேன். விவசாயிகளை பாதுகாப்பேன் என்று சுயேச்சை வேட்பாளர் பிரசாரம் செய்யும் வீடியோ வெளியாகியுள்ளது.