பிரான்சில், உலக அளவில் பிரபலமடைந்த கேன் திரைப்படத்தின் திருவிழா தொடங்கப்பட்டுள்ளது.
கேன் திரைப்பட விழாவானது, 74வது வருடமாக நடைபெறவிருக்கிறது. இதில் திரையுலக நடிகர், நடிகைகள் அதிகமானோர் கலந்து கொண்டனர். இந்த நிகழ்ச்சிக்காக பல நாடுகளில் தயாரிக்கப்பட்ட சிறப்பான படங்கள் திரையிடப்படும் என்று தெரிவிக்கப்பட்டுள்ளது. கொரோனா கட்டுப்பாடுகளை பின்பற்றியே இந்த நிகழ்ச்சி நடத்தப்படவுள்ளது.
இந்த நிகழ்ச்சியில் பங்கேற்கும் அனைவருக்கும் கொரோனா பரிசோதனை மேற்கொள்ளப்படும். அதன் பின்பே நிகழ்ச்சியில் பங்கேற்க அனுமதிக்கப்படுகிறார்கள். கேன் திரைப்பட விழா நிர்வாகமானது, முத்தமிடுதல் மற்றும் கட்டியணைத்தல் போன்ற செயல்பாடுகளை தடை செய்துள்ளதாக தெரிவித்திருக்கிறது.