மோட்டார் சைக்கிளின் மீது கார் உரசியதை தட்டிக் கேட்ட போலீஸ்காரரை இருவர் தாக்கிய சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள திருமுல்லைவாயல் பகுதியில் பரத்குமார் என்பவர் வசித்து வருகிறார். இவர் நுண்ணறிவு பிரிவு போலீஸ்காரராக வேலை பார்த்து வருகின்றார். கடந்த 9-ஆம் தேதி முதல் உடல்நலக்குறைவு காரணமாக பரத்குமார் மருத்துவ விடுப்பில் இருக்கின்றார். இந்நிலையில் பரத்குமார் திருமுல்லைவாயல் நோக்கி தனது மோட்டார் சைக்கிளில் சென்றுள்ளார். இதனையடுத்து ஆவடி பகுதியில் சென்று கொண்டிருந்தபோது பரத்குமாரின் மோட்டார் சைக்கிள் மீது பின்னால் வந்த கார் உரசி விட்டது.
இதனால் நிலை தடுமாறி கீழே விழுந்த பரத்குமார் காரில் வந்த இரண்டு பேரிடம் இதுபற்றி தட்டிக் கேட்டுள்ளார். அப்போது கோபம் அடைந்த 2 பேரும் போலீஸ்காரரான பரத்குமாரை சரமாரியாக அடித்து விட்டு காரில் தப்பி சென்றுள்ளனர். இதுகுறித்து பரத்குமார் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.