பத்தாயிரம் கார்ட்டூன் வாழ்த்துகள் ஒரு தம்பதியரின் குடியிருப்பை காப்பாற்றிய சம்பவம் அமெரிக்காவில் நடந்திருக்கிறது.
அமெரிக்காவை சேர்ந்த தோர்ன் மெல்ச்சர்- மாண்டி முஸ்ஸல்வெட் என்ற தம்பதி, வாத்துகள் வளர்க்கப்பட்டு வந்த தங்களின் அட்லாண்டா குடியிருப்பை 40 ஆயிரம் டாலருக்கு அடமானம் வைத்துள்ளனர். இந்நிலையில், வீடு திவாலாகக்கூடிய நிலை ஏற்பட்டது. எனவே, என்ன செய்வது என்று தெரியாமல் தம்பதியர் வருத்தத்தில் இருந்தனர்.
அப்போது, வடிவமைப்பாளரான முஸ்ஸல்வெட், நண்பர் ஒருவரின் மூலம் NFT கார்ட்டூன்களை வடிவமைத்திருக்கிறார். அவர், சுமார் இரண்டு வாரங்களில் 100 வித்தியாச குணாதிசயங்கள் உடைய 10,000 NFT கார்ட்டூன்களை உருவாக்கினார். அதாவது, இத்தம்பதியர் வாத்து பண்ணை வைத்திருப்பதால், எந்த வகையில் விவசாயத்திற்கு வாத்துகள் உதவுகிறது? என்பதை இந்த கார்ட்டூன்களை வைத்து விளக்கி இருக்கிறார்கள்.
NFT தொழில்நுட்ப கலை கடந்த வருடம் பிரபலமடைந்தது. மெய்நிகர் உலகத்தையே கொண்டு வந்துவிடும் இந்த தொழில்நுட்பம் மூலமாக வடிவமைக்கப்பட்ட பத்தாயிரம் வாத்து கார்ட்டூன்களும் சுமார் 6 மணி நேரங்களில், ஒரு லட்சத்து 20 ஆயிரம் டாலர்களுக்கு விற்பனையானது. இதன் மூலம் தம்பதியருக்கு வீடு கிடைத்து விட்டது. இதற்காக உதவி செய்த அனைவருக்கும் நன்றி என்று கூறியுள்ளனர்.