தொகுப்பாளினி மணிமேகலையின் பள்ளிப்பருவ புகைப்படம் இணையத்தில் வைரலாகி வருகிறது.
சின்னத்திரையில் பிரபல தொகுப்பாளினியாக வலம் வருபவர் மணிமேகலை. இவர் சன் மியூசிக்கில் தொகுப்பாளினியாக அறிமுகமாகி ரசிகர்களிடையே பிரபலமானார். இதனையடுத்து, சன் டிவி, கே டிவி, சன் நியூஸ் போன்ற அனைத்து தொலைக்காட்சிகளிலும் நிகழ்ச்சிகளை இவர் தொகுத்து வழங்கியுள்ளார்.
இவர் கடந்த 2017 ஆம் ஆண்டு உசேன் என்பவரை திருமணம் செய்து கொண்டார் என்பது குறிப்பிடத்தக்கது. தற்போது இவர் விஜய் டிவியில் ஒளிபரப்பாகும் ”குக் வித் கோமாளி” நிகழ்ச்சியில் பங்கேற்று வருகிறார். இந்நிலையில், மணிமேகலை சமூக வலைதளப்பக்கத்தில் அவ்வப்போது தனது புகைப்படங்கள் மற்றும் வீடியோக்களை பதிவிட்டு வருவார். அந்த வகையில் தனது இன்ஸ்டாகிராம் பக்கத்தில் தனது பள்ளிப்பருவ புகைப்படத்தை வெளியிட்டுள்ளார். இந்த புகைப்படம் தற்போது ரசிகர்கள் மத்தியில் வைரலாகி வருகிறது.