ரஜினிகாந்த் பிரபல பாடகியை தூக்கி வைத்திருக்கும் புகைப்படம் இணையத்தில் வைரலாகி வருகிறது.
தமிழ் சினிமாவின் சூப்பர் ஸ்டாராக வலம் வருபவர் நடிகர் ரஜினிகாந்த். இவர் நடிப்பில் கடைசியாக ”அண்ணாத்த” திரைப்படம் வெளியானது. இந்த திரைப்படம் ரசிகர்களிடையே நல்ல வரவேற்பை பெற்றது. இதனையடுத்து சமீபகாலமாக திரையுலக பிரபலங்களின் சிறுவயது புகைப்படம் இணையத்தில் வெளியாகி வைரலாகி வருகிறது.
அந்த வகையில், ரஜினிகாந்த் பிரபல பாடகியை தூக்கி வைத்திருக்கும் புகைப்படம் இணையத்தில் வைரலாகி வருகிறது. அதன்படி, பிரபல பின்னணி பாடகியான அனுராதா ஸ்ரீராம் தான் ரஜினியுடன் உள்ளார். மேலும், சிறு வயதில் அவர் நடிகர் ரஜினியை சந்தித்த போது இந்த புகைப்படத்தை எடுத்துக் கொண்டுள்ளார். இவர் தற்போது சூப்பர் சிங்கர் நிகழ்ச்சியின் நடுவராக பங்கேற்று வருகிறார் என்பது குறிப்பிடத்தக்கது.