‘தளபதி65’ திரைப்படத்தில் விஜய்க்கு வில்லனாக யார் நடிக்க போகிறார் என்ற தகவல் வெளியாகி உள்ளது.
தமிழ் சினிமாவில் முன்னணி நடிகராக வலம் வரும் விஜய் தற்போது ‘தளபதி65’ படத்தில் நடித்து வருகிறார். சன் பிக்சர்ஸ் நிறுவனம் தயாரிக்கும் இப்படத்தை நெல்சன் திலீப் குமார் இயக்குகிறார். மேலும் இப்படத்தில் விஜய்க்கு ஜோடியாக நடிகை பூஜா ஹெக்டே நடிக்கிறார். இப்படத்தின் முதற்கட்ட படப்பிடிப்பு ஜார்ஜியாவில் நடைபெற்றது. இதை தொடர்ந்து சென்னையில் பிரமாண்ட ஷாப்பிங் மால் செட் அமைக்கப்பட்டு அடுத்த கட்ட படப்பிடிப்பு நடைபெற உள்ளது.
இந்நிலையில், தளபதி65 படத்தில் விஜய்க்கு வில்லனாக யார் நடிக்க போகிறார் என்ற தகவல் வெளியாகியுள்ளது. அதன்படி பிரபல பாலிவுட் நடிகர் ஜான் ஆபிரஹாமிடம் பேச்சு வார்த்தை நடைபெற்று வருவதாக தெரியவந்துள்ளது. கூடிய விரைவில் இது குறித்த அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.
