சென்னையில் மீன்பிடிக்கச் சென்று மாயமான 10 மீனவர்களை மீட்டு தரக்கோரி உறவினர்கள் மீன்பிடி உதவி இயக்குனர் அலுவலகத்தில் புகார் அளித்துள்ளனர்.
கடந்த மாதம் 22ஆம் தேதி காசிமேடு நாகூரார் தோட்டத்தைச் சேர்ந்த பாலாஜி என்பவருக்கு சொந்தமான விசைப்படகில் 10 மீனவர்கள் காசிமேடு துறைமுகத்தில் இருந்து ஆழ்கடலுக்கு மீன்பிடிக்க சென்றனர். 20 நாட்களாகியும் மீனவர்கள் கரைக்கு திரும்பாத நிலையில் உறவினர்கள் புகார் அளித்துள்ளனர்.
கடலுக்கு சென்ற மீனவர்களுடன் தொடர்பு கொள்ள முடியாததால் உறவினர்கள் வேதனை தெரிவித்துள்ளனர். எனவே அவர்களை மீட்க உடனடியாக நடவடிக்கை எடுக்க வேண்டும் என்று அவர்கள் கண்ணீர்மல்க கோரிக்கை விடுத்துள்ளனர்.