சென்னை ஆயிரம் விளக்கு பகுதியில் சூப்பர் மார்க்கெட் சூறையாடப்பட்ட விவகாரத்தில் சிசிடிவி காட்சிகளை வைத்து பாஜக மாவட்டத் துணைத் தலைவர் உட்பட 20 பேரை காவல்துறையினர் கைது செய்தனர்.
ஆயிரம் விளக்கு காதர் நவாஸ்கான் சாலையில் ஷானவாஸ் என்பவர் சூப்பர் மார்க்கெட் நடத்தி வருகிறார். இந்நிலையில் கடந்த எட்டாம் தேதி காலை அடையாளம் தெரியாத 50 பேர் திடீரென சூப்பர் மார்க்கெட்டுக்குள் நுழைந்து விற்பனைக்கு வைத்திருந்த பொருட்களை சூறையாடுவது மட்டுமல்லாமல், அங்கு பணிபுரிந்த ஊழியர்களை தாக்கினர்.
இதுகுறித்து தகவல் அறிந்து சம்பவ இடத்திற்கு வந்த போலீசாரை கண்டதும் ரவுடி கும்பல் அங்கிருந்து தப்பி செல்ல முற்பட்டது. அவர்களில் 10 பேரை கைது செய்து காவல் நிலையம் அழைத்துச் சென்ற காவல்துறையினர் சிசிடிவி காட்சிகளை வைத்து பாஜக மாவட்ட துணை தலைவர் உட்பட 20 பேரை தற்போது கைது செய்தனர்.