பூட்டான் மற்றும் சீனா இடையேயான எல்லை பிரச்சனை குறித்து இணையவழி மூலம் பேச்சுவார்த்தை நடத்தப்பட்டுள்ளது.
ஆசியாவின் பூட்டான் மற்றும் சீனா ஆகிய இரு நாடுகளுக்கு இடையே எல்லை பிரச்சனை நீடித்து வருகிறது. இந்த நிலையில், தற்போது பூட்டான் நாட்டின் வெளியுறவுத்துறை அமைச்சரான தண்டி டோர்ஜி மற்றும் சீன வெளியுறவுத்துறை அமைச்சர் வூ ஜியாங்கோ இணையவழியில் பேச்சுவார்த்தை நடத்தினர்.
இந்த பேச்சுவார்த்தைக்குப் பின்னர் எல்லைப் பிரச்சினை தொடர்பான புரிந்துணர்வு ஒப்பந்தத்தில் இருவரும் கையெழுத்திட்டனர். மேலும் இந்த இணையவழி பேச்சுவார்த்தையில் இந்தியாவுக்கான சீனத் தூதர் மற்றும் பூட்டான் தூதர் உள்ளிட்டோரும் பங்கேற்றுள்ளனர். இதற்கு இந்திய நாட்டின் சார்பில் பங்கேற்றவர்கள் மிகுந்த கவனத்துடன் எதிர்வினை தெரிவித்துள்ளனர்.
குறிப்பாக பூட்டான், சீனா ஆகிய இருதரப்பினரும் புரிந்துணர்வு ஒப்பந்தம் செய்திருப்பதை கவனத்தில் கொண்டிருப்பதாக இந்திய நாட்டின் வெளியுறவு செய்தித் தொடர்பாளரான அரிந்தம் பாக்ச்சி தெரிவித்துள்ளார். இதனை தொடர்ந்து இந்திய அரசும் சீனாவுடனான எல்லைப் பிரச்சினை குறித்து நீண்டகாலமாக பேச்சுவார்த்தை நடத்தி வருவதாகவும் அரிந்தம் பாக்ச்சி குறிப்பிட்டுள்ளார்.