உக்ரைன் நாட்டில் மாட்டித் தவித்துக் கொண்டிருந்த சீன மக்களை ஏற்றிச் சென்ற விமானம் பாதுகாப்பாக சீனா சென்றடைந்திருப்பதாக தெரிவிக்கப்பட்டிருக்கிறது.
உக்ரைன் நாட்டின் மீது ரஷ்யா தொடர்ந்து 18ஆம் நாளாக போர் தொடுத்து வருகிறது. இத்தாக்குதலில் இருதரப்பிலும் பல உயிரிழப்புகள் ஏற்பட்டிருக்கின்றன. எனவே, அந்நாட்டு மக்கள் தங்களை காத்துக் கொள்வதற்காக லட்சக்கணக்கில் நாட்டிலிருந்து வெளியேறி அண்டை நாடுகளில் தஞ்சமடைந்து வருகிறார்கள்.
இந்நிலையில், உக்ரைன் நாட்டில் மாட்டி தவித்து வந்த சீன மக்கள் தற்காலிக விமானத்தின் மூலமாக மீட்கப்பட்டு சீனாவின் சாங்தாங் மாகாணத்தில் இன்று பாதுகாப்பாக தரையிறங்கியுள்ளனர். தற்போது வரை உக்ரைனில் மாட்டிக்கொண்டிருந்த சீன மக்கள் 11 தற்காலிக விமானங்கள் மூலமாக மீட்கப்பட்டிருக்கிறார்கள்.