‘சியான் 60’ படத்தில் பிரபல நடிகர் பாபி சிம்ஹா இணைந்துள்ளதாக படக்குழு அதிகாரப்பூர்வமாக அறிவித்துள்ளது.
தமிழ் திரையுலகில் முன்னணி கதாநாயகனாக வலம் வரும் விக்ரம் இயக்குனர் மணிரத்னம் இயக்கத்தில் பிரம்மாண்டமாக உருவாகி வரும் பொன்னியின் செல்வன் படத்தில் நடித்து வருகிறார். மேலும் இவர் இயக்குனர் அஜய் ஞானமுத்து இயக்கத்தில் ‘கோப்ரா’ படத்தில் நடித்து வருகிறார். இதனிடையே இயக்குனர் கார்த்திக் சுப்புராஜ் இயக்கத்தில் நடிகர் விக்ரம் மற்றும் அவரது மகனும் நடிகருமான துரு விக்ரம் இருவரும் இணைந்து நடிக்க உள்ளதாக அறிவிப்பு வெளியாகியிருந்தது.
மேலும் இந்த படத்தில் வாணி போஜன் , சிம்ரன் ஆகியோர் நடிக்க இருப்பதாக தகவல்கள் வெளியானது. சமீபத்தில் இந்த படத்திற்கு சந்தோஷ் நாராயணன் இசையமைக்க உள்ளதாக அதிகாரப்பூர்வ அறிவிப்பு வெளியானது . இந்நிலையில் இந்த படத்தில் பிரபல நடிகர் பாபி சிம்ஹா முக்கிய கதாபாத்திரத்தில் நடிக்க இருப்பதாக படக்குழு அறிவித்துள்ளது. இதனால் இந்த படத்தின் மீதான எதிர்பார்ப்பு ரசிகர்களிடையே அதிகரித்துள்ளது.