கிறிஸ்துமஸ் கொண்டாட்டத்தின் போது மாணவர் ஒருவர் கொடூரமாக கொலை செய்யப்பட்டுள்ள சம்பவம் அதிர்ச்சியை ஏற்படுத்தியுள்ளது.
சென்னையிலுள்ள ஜமீன் கொரட்டூர் பகுதியில் உள்ள இன்டர்நேஷனல் மாரிடைம் அகாடமி கல்லூரி ஒன்று உள்ளது. இன்று கிறிஸ்துமஸ் பண்டிகை என்பதால் இந்த கல்லூரியில் உள்ள விடுதியில் மாணவர்கள் கிறிஸ்துமஸ் கொண்டாட்டத்தில் ஈடுபட்டுள்ளனர். அப்போது மாணவர்களில் சிலர் குடிபோதையில் இருந்துள்ளனர். இந்நிலையில் கிறிஸ்துமஸ் கொண்டாட்டத்தின்போது கேக் வெட்டிய சமயத்தில் மூன்றாம் வருடம் படித்து வரும் மாணவருர்களுக்கும், நான்காம் வருட மாணவர்களுக்கும் இடையே மோதல் ஏற்பட்டுள்ளது.
அப்போது போதையில் இருந்த மாணவர் ஒருவர் அங்கிருந்த மர நாற்காலியில் கால் பகுதியை உடைத்து மாணவர் ஆதித்யா ஷர்மா என்பவரின் கழுத்து பகுதியில் குத்தியுள்ளார். இதனால் மாணவர் ஆதித்யா ஷர்மா பரிதாபமாக உயிரிழந்துள்ளார். இதையடுத்து இந்த சம்பவம் தொடர்பாக காவல்துறையினர் விசாரணை நடத்தி வருகின்றனர். கிறிஸ்துமஸ் பண்டிகையின்போது மாணவர் ஒருவர் கொடூரமாக கொலை செய்யப்பட்டுள்ள சம்பவம் அதிர்ச்சியை ஏற்படுத்தியுள்ளது