கொரோனா வைரஸ் எதிரொலியாக CICSE , ISC பாடத்திட்ட பொதுத்தேர்வு ஒத்தி வைக்கப்படுகின்றது.
சீனாவில் உதயமான கொரோனா வைரஸ் 154 நாடுகளில் பரவியுள்ளது. சீனாவில் மட்டும் 3241 பேர் உயிரிழந்துள்ளனர். சீனாவை தவிர்த்த மற்ற நாடுகளில் உயிரிழந்தோரின் எண்ணிக்கை 4,713 ஆக அதிகரித்துள்ளது. சீனாவுக்கு அடுத்ததாக இத்தாலி நாட்டில் அதிக இழப்பு ஏற்பட்டுள்ளது. 31 ஆயிரத்திற்கும் மேற்பட்டோர் அந்நாட்டில் கொரோனாவால் பாதிக்கப் பட்டுள்ள நிலையில் 2503 பேர் உயிரிழந்துள்ளனர். அதே போல இந்தியாவில் 147 பேர் கொரோனாவால் பாதிக்கப்பட்டுள்ளனர்.
இந்நிலையில் பல்வேறு முன்னெச்சரிக்கை அறிவிப்புகள் உத்தரவுகள் பிறப்பிக்கப்படு வருகின்றது. CICSE , ISC பாடத்திட்டத்தின் 10ஆம் வகுப்பு , 12ஆம் வகுப்பு பொதுத்தேர்வுகள் நடைபெற்று வருகின்றது.கொரோனா வைரஸ் முன்னெச்சரிக்கை நடவடிக்கையாக மார்ச் 31ஆம் தேதி வரை தேர்வுகளை ஒத்திவைப்பதாக அறிவித்துள்ளார்கள். ஏற்கனவே சிபிஎஸ்இ பொதுத்தேர்வுகள் ஒத்திவைக்கப்பட்ட நிலையில் தற்போது இந்த நடவடிக்கை மேற்கொள்ளப்டுள்ளது.