குடியுரிமை சட்டம் தொடர்பாக பாஜக தேசிய தலைவர் ஜேபி நட்டா நாளை ஆலோசனை நடத்துகிறார்.
மக்களவை மற்றும் மாநிலங்களவை இரு அவைகளிலும் மத்திய அரசால் நிறைவேற்றப்பட்ட குடியுரிமை சட்ட திருத்த மசோதாவுக்கு எதிராக நாட்டின் வடகிழக்கு பகுதியில் போராட்டம் நடைபெற்று வருகிறது. டெல்லி ஜாமியா மில்லியா இஸ்லாமியா பல்கலைக்கழக மாணவர்களும் போராட்டத்தில் ஈடுபட்டனர். இப்போராட்டத்தில் போலீசாருக்கும் மாணவர்களுக்கும் இடையே கலவரம் ஏற்பட, பல மாணவர்கள் காயமடைந்தனர்.
அதை தொடர்ந்து தமிழ்நாட்டிலும் கல்லூரி மாணவர்கள் பல இடங்களில் போராட்டம் நடத்தினர். மசோதாவுக்கு எதிராக மத்திய அரசை கண்டித்து திமுக, காங்கிரஸ், உள்ளிட்ட கட்சிகளும் கண்டன ஆர்ப்பாட்டம் நடத்தினர். தற்போது போராட்டம் பல்வேறு இடங்களில் நடைபெற்று வருகிறது. கர்நாடகா, பெங்களூரில் 144 தடை உத்தரவு பிறப்பிக்கப்பட்டுள்ளது. இந்த நிலையில், குடியுரிமை சட்டம் தொடர்பாக பாஜகவின் தேசிய தலைவர் ஜேபி நட்டா அக்கட்சியின் பொது செயலாளர்களுடன் நாளை ஆலோசனை நடத்துகிறார்.