தமிழ் சினிமாவில் பிரபலமான காமெடி நடிகராக வலம் வருபவர் யோகி பாபு. இவர் படங்களில் கதாநாயகராகவும் நடித்து வருகிறார். இந்நிலையில் நடிகர் யோகி பாபு தற்போது தூய்மை பணியாளர் வேடத்தில் ஒரு குறும்படத்தில் நடித்துள்ளார்.
அதாவது மாநகராட்சி தூய்மை பணியாளர்களிடம் பொதுமக்கள் குப்பைகளை தரம் பிரித்து வழங்க வேண்டும் எனவும், தூய்மையாக வைத்துக் கொள்வதற்கு பொதுமக்கள் ஒத்துழைப்பு தர வேண்டும் என்பதை வலியுறுத்தியும் சென்னை மாநகராட்சி சார்பில் ஒரு குறும்படம் இயக்கப்படுகிறது.
இந்த படத்தை Urbaser Sumeet மற்றும் மாநகராட்சி சார்பில் தயாரிக்கிறார்கள். மேலும் பொது மக்களிடம் விழிப்புணர்வு ஏற்படுத்தும் விதமாக இந்த குறும்படத்தை எடுக்கப் போவதாக மாநகராட்சி அதிகாரிகள் தெரிவித்துள்ளனர்.
