மேலும் இந்த விவகாரத்தில் சம்மந்தப்பட்ட நான்கு பேர் மீதும் குண்டர் தடுப்பு சட்டத்தில் நடவடிக்கை எடுக்க மாவட்ட ஆட்சியைர் உத்தரவு பிறப்பித்துள்ளார். இதுகுறித்து இன்று செய்தியாளர்களிடம் பேசிய கோவை மாவட்ட ஆட்சியர் ராஜாமணி தெரிவிக்கையில் , காவல்துறை தொடர்ந்து விசாரணை மேற்கொண்டு இருக்கிறது . இந்த சம்பவத்தில் தொடர்புடையதிருநாவுக்கரசு , சபரி ராஜன் , வசந்தராஜன் மற்றும் சதீஷ் ஆகிய 4 பேரின் மீது காவல்துறை பரிந்துரையின் அடிப்படையில் குண்டர் சட்டம் பாய்ந்துள்ளது . இந்த சம்பவத்தில் பாதிக்கப்பட்டு இருக்கின்ற பெண் அவர்களுடைய உறவினர்கள் மூலமாக எனக்கு புகார் ஒன்றை அனுப்பியுள்ளார். அதில் காவல்துறை நாங்கள் அளித்த வழக்கின் மீது உரிய நடவடிக்கை எடுத்து வருகிறார்கள் , தொடர்புடையவர்கள் கைது செய்யப்பட்டு இருக்கிறார்கள் .
இந்த வழக்கில் காவல்துறை முழுமையாக விசாரணை செய்து தொடர்புடையவர்களை கைது செய்திருக்கிறார்கள் .இன்னும் தொடர்ந்து விசாரணை நடத்தப்பட்டு வருகிறது முழுமையான விசாரணை செய்து யாரெல்லாம் இதில் தொடர்பு இருக்கிறார்களோ அனைவரின் மீதும் நடவடிக்கை எடுப்பதற்கு காவல்துறையும் , மாவட்ட நிர்வாகமும் இணைந்து செயல்பட்டு கொண்டு இருக்கிறது . நடவடிக்கை எடுக்க எந்தவித தயக்கமும் , தடுமாற்றமும் இல்லை குற்றவாளிகள் மீது எந்த தடையுமின்றி நடவடிக்கை எடுக்கப்படும் என்று அந்த நடவடிக்கையின் வாயிலாகத் தான் குண்டர் தடுப்பு சட்டத்தின் கீழ் நடவடிக்கை எடுக்கப்பட்டுள்ளது என்று கோவை மாவட்ட ஆட்சியர் தெரிவித்தார்.