விவசாயிகளுக்கு நானோ யூரியா உரத்தை பயன்படுத்துவது குறித்து கலெக்டர் செய்முறை விளக்கம் அளித்துள்ளார்.
கள்ளக்குறிச்சி மாவட்டத்தில் கச்சிராபாளையம் பகுதியில் அரசு விதைப்பண்ணை அலுவலகத்தில் இந்திய உழவர் உர உற்பத்தி நிறுவனமும் மற்றும் வேளாண்மைத் துறையும் இணைந்து யூரியா உரத்துக்கு மாற்றாக நானோ யூரியா உரம் பயன்படுத்துவது பற்றி செய்முறை விளக்கம் பயிற்சி நடத்தியுள்ளனர். இந்தப் பயிற்சிக்கு மாவட்ட கலெக்டர் ஸ்ரீதர் தலைமை தாங்கியுள்ளார். இந்நிலையில் துணை இயக்குனர்கள் சுந்தரம் மற்றும் விஜயராகவன், வேளாண்மை துறை இணை இயக்குனர் ஜெகநாதன் போன்றவர்கள் முன்னிலை வகித்தனர். இந்நிகழ்ச்சியில் வேளாண்மை அலுவலர் நித்யா வரவேற்றுள்ளார்.
இதனை அடுத்து யுரியாக்கு பதிலாக நானோ யூரியா உரத்தை பயன்படுத்துவது பற்றி விவசாயிகளுக்கு வயலில் வைத்து செய்முறை விளக்கம் கலெக்டர் அளித்துள்ளார். இதனை தொடர்ந்து விதைப் பண்ணையில் சாகுபடி செய்யப்பட்டிருக்கும் வயலில் ஸ்ரீதர் நானோ யுரியா தெளித்து செயல் விளக்கம் கூறியுள்ளார். பின்னர் பண்ணை விவசாய குழுக்களுக்கு 10 பேட்டரி தெளிப்பான் மற்றும் அரை லிட்டர் நானோ யுரியா உரம் போன்றவற்றை அவர் வழங்கியுள்ளார். மேலும் இதில் வேளாண்மை அலுவலர்கள் மற்றும் விவசாயிகள் கலந்து கொண்டுள்ளனர்.