கல்லூரிக்கு சென்ற மாணவி காணாமல் போனது குறித்து காவல்துறையினர் விசாரணை மேற்கொண்டு வருகின்றனர்.
திருவாரூர் மாவட்டத்திலுள்ள திருக்கொட்டாரம் தெற்கு தெருவில் முருகன் மகள் ஸ்டெல்லா வசித்து வருகிறார். இவர் நன்னிலம் அரசு கலை மற்றும் அறிவியல் கல்லூரியில் பி.பி.ஏ. மூன்றாம் ஆண்டு படித்து வருகிறார். இந்நிலையில் வழக்கம்போல் கல்லூரிக்கு சென்ற ஸ்டெல்லா மீண்டும் வீடு திரும்பவில்லை.
இதனால் அதிர்ச்சியடைந்த முருகன் ஸ்டெல்லாவை பல்வேறு இடங்களில் தேடியும் கிடைக்கவில்லை. இதனையடுத்து தனது மகளை பாண்டிச்சேரியை சேர்ந்த கோட்டை பாக்கம் பைசல் என்பவர் அழைத்து சென்றிருக்கலாம் என சந்தேகத்தின் படி முருகன் காவல் நிலையத்தில் புகார் கொடுத்துள்ளார். அந்த புகாரின்படி காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.