தமிழ் சினிமாவில் நகைச்சுவை நடிகராக வளம் வரும் யோகி பாபு அறிமுக இயக்குனர் முருகன் இயக்கத்தில் `காக்டெய்ல்’ படத்தில் கதாநாயகனாக நடிக்கிறார். இப்படத்தில் யோகிபாபுவுடன், சாயாஜி ஷிண்டே, மனோபாலா, மைம்கோபி, சாமிநாதன், யோகி பாபுவின் நணபர்களாக ரமேஷ், மிதுன், டி.வி. புகழ் பாலா குரேஷி ஆகியோர் நடிக்கின்றனர். இப்படத்தை பிரபல ஒளிப்பதிவாளர் பிஜி முத்தையா தயாரிக்கிறார்.
இப்படம் குறித்து இவர் கூறுகையில் இந்திய சினிமாவில் முதன் முறையாக ஒரு பறவை முக்கிய கதாபாத்திரத்தில் நடிக்கிறது. இப்பறவையுடன் ஒரு முருகன் சிலையும் முக்கிய பங்கு வகிக்கிறது. இப்படத்தின் முதல் கட்ட படபிடிப்பு சென்னையில் முடிவடைந்தது. இப்படத்தின் கதை என்னவென்றால் யோகி பாபுவும் அவரது கூட்டாளிகளும் செய்யாத கொலை வழக்கில் மாட்டிக்கொண்டு எப்படி வெளிவருகிறார்கள் இதில் பறவையின் பங்கு என்ன எனப்துதான் கதை. இதை தொடர்ந்து இரண்டாம் கட்ட படப்பிடிப்பு விரைவில் தொடங்குவோம் என்று படக்குழு அறிவித்துள்ளது.