கோவை அரசினர் தொழில்நுட்பக் கல்லூரியின் தமிழ் மற்றும் நுண்கலை மன்றம் மற்றும் உலகத் தமிழ் தகவல் தொழில்நுட்ப மன்றம் மற்றும் இன்ஃபிட் (INFITT-INTERNATIONAL FORUM FOR INFORMATION TECHNOLOGY IN TAMIL) அமைப்பு இணைந்து நிரல்களம் 21 (HACKATHON FOR TAMIL) என்ற பெயரில் பன்னாட்டு அளவிலான கல்லூரி மாணவர்களுக்கிடையேயான தமிழ் தொழில்நுட்ப போட்டியை ஆன்லைன் வழியாக மார்ச் 5,6, 7 ஆகிய தேதிகளில் நடத்துகிறது. தமிழ் இலக்கியம் மற்றும் கலைகளை தற்கால தொழில்நுட்பங்கள் மூலம் மேம்படுத்துவது மற்றும் மாணவர்களிடையே இதுகுறித்த விழிப்புணர்வை ஏற்படுத்தும் நோக்கில் இந்த போட்டி நடத்தப்படுகிறது.
போட்டிக்கான முன்பதிவு கீழேயுள்ள வலைத்தளத்தில் பிப்ரவரி 10 முதல் பிப்ரவரி 25 வரை நடைபெறும். ஒரு அணிக்கு 2 முதல் 4 நபர்கள் பங்கேற்கலாம். பணிபுரிபவர்கள் பங்கேற்க விரும்பினால் அணிக்கு ஒருவர் மட்டும் இடம்பெறலாம். பங்கேற்க விரும்பும் அனைத்து கல்லூரி மாணவர்களும் https://tmfa-gct.com என்ற வலைதளத்தைப் பயன்படுத்தலாம். பொதுவாக, நிரலாக்கப் போட்டிகள் என்றாலே அவை ஆங்கில நிறுவனங்களின் தேவையைப் பூர்த்தி செய்யும் கோரிக்கைகளுக்காக நிரல்களாகவே இருக்கும். இந்நிலையில் முழுக்க முழுக்க தமிழுக்காக இந்த போட்டி நடத்தப்படுகிறது.