பாராளுமன்றத் தேர்தலில் போட்டியிடும் வேட்பாளர்களை காங்கிரஸ் கட்சி பல்வேறு கட்டங்களாக அறிவித்து வந்த நிலையில், டெல்லியில் நடைபெறும் மக்களவை தேர்தலில் காங்கிரஸ் சார்பில் போட்டியிடும் 6 மக்களவை தொகுதி வேட்பாளர்களை அக்கட்சியின் மத்திய தேர்தல் கமிட்டி இன்று அறிவித்துள்ளது.
இந்நிலையில் சாந்தினி சவுக் பாராளுமன்றத் தொகுதியில் ஜே.பி.அகர்வால், வடகிழக்கு டெல்லி பாராளுமன்றத் தொகுதியில் ஷீலா தீட்சித், கிழக்கு டெல்லி பாராளுமன்றத் தொகுதியில் அரவிந்தர் சிங் லவ்லி, புதுடெல்லி பாராளுமன்றத் தொகுதியில் அஜய் மக்கான், வடமேற்கு டெல்லி (தனி) பாராளுமன்றத் தொகுதியில் ராஜேஷ் லிலோதியா, மேற்கு டெல்லி பாராளுமன்றத் தொகுதியில் மகாபல் மிஸ்ரா ஆகியோர் அறிவிக்கப்பட்டார்கள்.