துணை ராணுவ படை வீரரின் தந்தை கொலை செய்யப்பட்ட சம்பவம் பரபரப்பை ஏற்படுத்தியுள்ளது.
திண்டுக்கல் மாவட்டத்திலுள்ள கே.மேட்டுப்பட்டி பகுதியில் துப்புரவு தொழிலாளியான பெரியதம்பி என்பவர் வசித்து வந்துள்ளார். இவருடைய மனைவி கடந்த 15 ஆண்டுகளுக்கு முன்பு இறந்துவிட்டார். இவருக்கு சாந்தி என்ற மகளும், ராஜா, முருகவேல் என்ற மகன்களும் இருக்கின்றனர். இதில் ராஜா துணை ராணுவ படை வீரராக இருக்கிறார். இந்நிலையில் பெரியதம்பி கட்டிலில் படுத்திருந்த நிலையில் சடலமாக கிடந்ததை கண்டு அதிர்ச்சி அடைந்த பொதுமக்கள் உடனடியாக காவல்துறையினருக்கு தகவல் தெரிவித்துள்ளனர்.
அந்த தகவலின் படி சம்பவ இடத்திற்கு விரைந்து சென்ற காவல்துறையினர் பெரிய தம்பியின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் நடத்திய விசாரணையில் பெரிய தம்பியின் முகத்தை கல்லால் தாக்கி மர்மநபர்கள் கொலை செய்தது தெரியவந்துள்ளது. இதுகுறித்து காவல்துறையினர் விசாரணை மேற்கொண்டு வருகின்றனர்.