மேற்கூரை அமைக்கும் பணியில் ஈடுபட்டுக்கொண்டிருந்த தொழிலாளி 40 அடி உயரத்திலிருந்து விழுந்து உயிரிழந்த சம்பவம் சோகத்தை ஏற்படுத்தியுள்ளது.
சென்னை மாவட்டத்திலுள்ள தண்டையார்பேட்டை பகுதியில் விஜயபாகு என்பவருக்கு சொந்தமான கம்பெனி செயல்பட்டுக் கொண்டிருக்கிறது. இந்த கம்பெனியில் 40 அடி உயரத்தில் ராட்சத குடோன் அமைக்கும் பணியானது நடைபெற்றுக் கொண்டிருக்கிறது. இந்நிலையில் இன்ஜினியர் ஜோஸ்வா என்பவர் ஒப்பந்தம் எடுத்து இந்த வேலையை செய்து வருகின்றார். இதனையடுத்து இந்த ராட்சத குடோனில் மேற்கூரை அமைக்கும் பணியில் சத்யா மற்றும் அவரது அண்ணனான ஜெயபால் போன்றோர் ஈடுபட்டு கொண்டிருந்தனர்.
அப்போது சத்யா எதிர்பாராதவிதமாக 40 அடி உயரத்திலிருந்து தவறி கீழே விழுந்து விட்டார். இதனை அடுத்து படுகாயமடைந்த அவரை அருகில் உள்ளவர்கள் மீட்டு அரசு மருத்துவமனைக்கு சிகிச்சைக்காக கொண்டு சென்றனர். ஆனால் அங்கு அவரை பரிசோதித்த மருத்துவர்கள் சத்யா ஏற்கனவே இறந்துவிட்டதாக தெரிவித்துள்ளனர். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.