கண்டெய்னர் லாரி மோதிய விபத்தில் சாலையில் நடந்து சென்று கொண்டிருந்த கூலித்தொழிலாளி பலியான சம்பவம் சோகத்தை ஏற்படுத்தியுள்ளது.
கிருஷ்ணகிரி மாவட்டத்தில் உள்ள சென்னபள்ளி பகுதியில் கூலித் தொழிலாளியான ஆஞ்சநேயப்பா என்பவர் வசித்து வந்துள்ளார். இந்நிலையில் ஆஞ்சநேயப்பா குருபரப்பள்ளி பேருந்து நிறுத்தம் அருகில் நடந்து சென்று கொண்டிருந்தார்.அப்போது அவ்வழியாக வேகமாக சென்ற கண்டெய்னர் லாரி ஆஞ்சநேயப்பா மீது பலமாக மோதியது.
இந்த விபத்தில் படுகாயமடைந்த ஆஞ்சநேயப்பாவை அருகிலுள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி ஆஞ்சநேயப்பா பரிதாபமாக உயிரிழந்து விட்டார். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.