மன உளைச்சலில் டீக்கடை தொழிலாளி தூக்கிட்டுத் தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
நீலகிரி மாவட்டத்தில் உள்ள கொட்டகம்பை கிராமத்தில் டீக்கடை தொழிலாளியான ராமச்சந்திரன் என்ற முதியவர் வசித்து வந்துள்ளார். இவருக்கு பங்கஜம் என்ற மனைவி உள்ளார். இந்தத் தம்பதிக்கு இரண்டு மகன்கள் இருக்கின்றனர். இந்நிலையில் இதய நோயால் அவதிப்பட்டு வந்த ராமச்சந்திரன் தனது வீட்டில் யாரும் இல்லாத சமயத்தில் மன உளைச்சலில் தூக்கிட்டு தற்கொலை செய்துள்ளார்.
இதுகுறித்து தகவல் அறிந்த காவல்துறையினர் அங்கு விரைந்து சென்று ராமச்சந்திரனின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.