கொரோனா வைரஸ் தாக்கத்தால் உலகளவில் 9 ஆயிரத்துக்கும் அதிகமானோர் உயிரிழந்துள்ளனர்.
சீனாவில் கொரோனா வைரஸ் பாதிப்பு கடந்த ஆண்டு டிசம்பரில் தொடங்கியது. அங்கு கடும் பாதிப்பை உருவாக்கிய இந்த வைரஸ் உலகெங்கும் பரவியுள்ளது. இந்த வைரஸ் பாதிப்பு ஐரோப்பிய நாடான இத்தாலி, கிழக்கு ஆசிய நாடான தென் கொரியா, மேற்காசிய நாடான ஈரானில் வேகமாக பரவி வருகிறது. இதனால் உயிரிழந்தவர்கள் எண்ணிக்கையானது நாளுக்கு நாள் அதிகரித்து வருகிறது. உலகளவில் கொரோனா வைரஸால் உயிரிழந்தோரின் எண்ணிக்கை 9,000க்கும் மேல் உயர்ந்துள்ளது.
ஏற்கனவே 8 ஆயிரத்து 968 பேர் இதனால் உயிரிழந்த நிலையில் தற்போது 9,148 பேர் ஆக அதிகரித்திருக்கிறது . 176 நாடுகளுக்கு பரவியுள்ள இந்த வைரஸால் 2,23,065 பேர் பாதிக்கப்பட்டுள்ள நிலையில் 85,791 பேர் குணமடைந்துள்ளனர். அதிக உயிரிழப்பை சந்தித்த சீனாவில் 3,245 பேரும், இத்தாலி – 2,978 பேரும் , ஈரான் – 1,284 பேரும் , ஸ்பெயின் – 640 பேரும் கொரோனாவால் உயிரிழந்துள்ளனர்.