தொடர்ந்து கொரோனா பாதிப்பு அதிகரித்து வருவதால், மாநில எல்லைகளை மூட ராஜஸ்தான் அரசு முடிவெடுத்துள்ளது.
ஒரு வாரத்திற்கு மாநில எல்லைகளை மூட முடிவெடுக்கப்பட்டுள்ளது. இந்த சமயங்களில் உரிய பாஸ் வைத்திருப்பவர்களுக்கு மட்டுமே மாநிலத்திற்குள் அனுமதி வழங்கப்படும் என தெரிவிக்கப்பட்டுள்ளது. ராஜஸ்தான் மாநிலத்தில் மொத்தம் 11,245 பேருக்கு கொரோனா பாதிப்பு ஏற்பட்டுள்ளது. இதுவரை கொரோனவால் உயிரிழந்தவர்களின் எண்ணிக்கை 255 ஆக அதிகரித்துள்ளது.
இதன் காரணமாக ஒரு வாரகாலத்திற்கு மாநிலங்களுக்கிடையேயான போக்குவரத்து தடை செய்யப்பட்டுள்ளது. மாநிலத்திற்குள் நுழையும் மற்றும் வெளியேறும் அனைத்து இயக்கங்களும் கட்டுப்படுத்தப்படும் எனறும், மற்ற மாநிலத்தில் இருந்து வரும் எந்தவொரு நபரும் ‘நோ ஆப்ஜெக்ஷன் சான்றிதழ்’ (என்ஓசி) இல்லாமல் மாநிலத்திற்குள் நுழையவோ அல்லது பாஸ் இல்லாமல் வெளியேறவோ முடியாது என்று காவல்துறை திட்டவட்டமாக அறிவித்துள்ளது.