கல்லூரி படிக்கும் மாணவர்களுக்கு கொரோனா அச்சம் இருப்பதால் தற்காலிகமாக கல்லூரிகளை மூட கோரிக்கை எழுந்துள்ளது.
நாடு முழுவதும் கொரோனா பாதிப்பு அதிகரித்து வந்த நிலையில் பள்ளிகள் மற்றும் கல்லூரிகள் மூடப்பட்டன. இதனால் மாணவர்களுக்கு ஆன்லைன் மூலமாக வகுப்புகள் நடத்தப்பட்டன. இந்நிலையில் கொரோனா பாதிப்பு சற்று குறைந்ததால் கல்லூரிகள் திறக்க அனுமதி அளிக்கப்பட்டு தற்போது வகுப்புகள் நடந்து வருகின்றன. இதையடுத்து தற்போது சென்னை ஐஐடி மற்றும் அண்ணா பல்கலைக்கழக மாணவர்களுக்கு கொரோனா உறுதி செய்யப்பட்டுள்ளது.
இந்நிலையில் சென்னையில் உள்ள அனைத்து கல்லூரி விடுதிகளிலும் 15 நாட்களுக்கு ஒருமுறை பரிசோதனை மேற்கொள்ள வேண்டும் என்று சென்னை மாநகராட்சி அறிவித்துள்ளது. சென்னை ஐஐடி மற்றும் அண்ணா பல்கலைக்கழக மாணவர்களுக்கு கொரோனா தொற்று உறுதி செய்யப்பட்டதையடுத்து இந்த நடவடிக்கை எடுக்கப்பட்டுள்ளது. ஆனால் பெற்றோர், மாணவர்கள், பேராசிரியர்கள் கொரோனா அச்சத்தில் இருப்பதால் கல்லூரிகளை தற்காலிமாக மூடவேண்டும் என்று கோரிக்கை எழுந்துள்ளது.