மதுரையில் மஞ்சள் தூளை தண்ணீர் லாரிகளில் போட்டு கலக்கி ரோடு முழுவதும் தெளித்து கொரோனாவுக்கு எதிரான நடவடிக்கையை அப்பகுதி மக்கள் மேற்கொண்டு வருகின்றனர்.
கொரோனா வைரஸ் தொற்றை முற்றிலும் தடுப்பதற்காக பாரத பிரதமர் நரேந்திர மோடி சுய ஊரடங்கை கடைபிடிக்குமாறு அறைகூவல் விடுத்திருந்தார். இந்த அறைகூவலை ஏற்று நாடு முழுவதும் மக்கள் சுய ஊரடங்கை கடைப்பிடித்து வருகின்றனர்.
இந்நிலையில் இன்று காலை முதலே மக்கள் வெளியில் வராமல் வீட்டிற்குள் முடங்கி இருப்பதாக தமிழகம் மட்டுமல்லாமல் மற்ற மாநிலங்களிலும் சாலையோரங்களில் கிருமிநாசினி தெளிக்கும் பணிகள் மேற்கொள்ளப்பட்டு வருகிறது. அந்த வகையில் மதுரையில் மக்கள் தாமாகவே முன்வந்து தண்ணி லாரிகளில் மஞ்சள்தூளை கரைத்து கிருமிநாசினியாக மாற்றி நகரம் முழுவதும் தெளித்து வருகின்றனர். மஞ்சள் மிகச்சிறந்த கிருமி நாசினி என்பதால் இதனை அவர்கள் செய்துள்ளனர். மதுரை மக்களின் இந்த செயல் பெரும் பாராட்டை பெற்றுள்ளது.