கொரோனாவால் பாதிக்கப்பட்டவர்களின் மன அழுத்தத்தை போக்க அவர்களுடன் சிரித்து பல குரல்களில் பேசி திரைப்பட நடிகர் ரோபோ சங்கர் மகிழ்ந்துள்ளார்.
தஞ்சை மாவட்டத்தில் கொரோனாவால் பாதிக்கப்பட்டவர்கள் பட்டுக்கோட்டையில் புதிய வீட்டு வசதி வாரிய குடியிருப்பு கொரோனா மையத்தில் சிகிச்சைக்காக அனுமதிக்கப்பட்டுள்ளனர். தஞ்சை மாவட்ட ஆட்சியர் கோவிந்தராவ் அனுமதியோடு அவர்கள் அனுமதிக்கப்பட்டுள்ள வார்டுகளுக்கு நேரில் சென்ற திரைப்பட நடிகர் ரோபோ ஷங்கர் அவர்களின் மன அழுத்தத்தை போக்கும் வகையில் பல குரல்களின் பேசி மகிழ்வித்தார்.
கொரோனாவால் பாதிக்கப்பட்டவர்கள் தங்கள் மன அழுத்தம் குறைந்து இயல்பு நிலையை அடைவதற்கு இது ஊக்கமளிக்கும் என ரோபோ ஷங்கர் கூறினார். கொரோனா பாதிக்கப்பட்டவர்களை தனிமைப்படுத்த வேண்டுமே தவிர ஒதுக்க கூடாது என ரோபோ ஷங்கர் கேட்டுக் கொண்டார்.