இந்தியாவில் கொரோனா தொற்று பாதிப்பிற்கு, விராட் கோலி – அனுஷ்கா தம்பதியினர் ரூபாய் 2 கோடி நன்கொடையாக வழங்கியுள்ளனர்.
இந்தியாவில் கொரோனா வைரஸின் 2 ம் அலை மின்னல் வேகத்தில் பரவி வருகிறது .தொற்றால் பாதிக்கப்பட்டு மருத்துவமனைகளில், மக்களின் கூட்டம் நிரம்பி வழிகிறது. ஆக்சிசன் மற்றும் மருந்துகள் தட்டுப்பாட்டால் மக்கள் உயிரிழந்து வருகின்றனர். இந்நிலையில் தினசரி தொற்றின் எண்ணிக்கை, தற்போது 4 லட்சத்தை தாண்டியுள்ளது. எனவே இந்தியாவிற்கு பல்வேறு நாடுகளும், நிறுவனங்களும் உதவி செய்து வருகின்றனர்.
அந்தவகையில் இந்திய கிரிக்கெட் அணியின் கேப்டனாக விராட் கோலியும் ,பாலிவுட் நடிகையான அனுஷ்கா ஷர்மா தம்பதியினர் ,இந்தியாவில் கொரோனா தொற்று பாதிப்பிற்கு ரூபாய் 2 கோடியை நன்கொடையாக வழங்கியுள்ளனர்.இதை தொடர்ந்து ‘Ketto’ மூலம் கொரோனா நிவாரண நிதிக்காக 7 கோடி ரூபாய் வரை நிதி திரட்டமிட்டுள்ளனர் . இதன் தொடக்கமாக இருவரும் இணைந்து, 2 கோடி ரூபாயை வழங்கியுள்ளனர் .