பிரபல இயக்குனர் ஏ.ஆர்.முருகதாஸ் கொரோனா தடுப்பு பணிக்காக 25 லட்சம் நிதியுதவி வழங்கி உள்ளார்.
தமிழகம் முழுவதும் கொரோனா தொற்றின்பரவல் மிகவும் தீவிரம் அடைந்து வருகிறது. இதனை கட்டுப்படுத்த பல்வேறு கட்டுப்பாட்டு நடவடிக்கைகள் மேற்கொள்ளப்பட்டுள்ளது. இருப்பினும் கொரோனாவால் பலியாகுபவர்களின் எண்ணிக்கை நாளுக்கு நாள் அதிகரித்துக் கொண்டே தான் செல்கிறது.
இதனால் மருத்துவமனைகளில் இட பற்றாக்குறை, ஆக்ஸிஜன் பற்றாக்குறை மற்றும் இதர மருத்துவ உபகரணங்கள் பற்றாக்குறை ஏற்பட்டுள்ளது. ஆகையால் தமிழக முதலமைச்சர் மு.க.ஸ்டாலின் கொரோனா தடுப்பு பரவல் மற்றும் சிகிச்சைக்கு அதிக நிதி தேவைப்படுவதால் தங்களால் முடிந்த நிதி உதவிகளை நன்கொடையாக வழங்குமாறு கோரிக்கை விடுத்துள்ளார்.
அதன்படி பல முன்னணி நடிகர்கள், தயாரிப்பாளர்கள், இயக்குனர்கள் என பலர் தங்களால் முடிந்த நிதி உதவிகளை வழங்கி வருகின்றனர்.அந்த வகையில் தமிழ் சினிமாவில் முன்னணி இயக்குனராக வலம் வரும் ஏ.ஆர்.முருகதாஸ் கொரோனா தடுப்பு பணிக்காக 25 லட்சம் ரூபாய் நிதி உதவி வழங்கியுள்ளார்.மேலும் இத் தொகையை அவர் முதலமைச்சர் மு.க.ஸ்டாலினை நேரில் சந்தித்து வழங்கியுள்ளார்.