டெல்லியில் இன்று ஒரே நாளில் 1257 பேருக்கு கொரோனா தொற்று உறுதி செய்யப்பட்டுள்ளது என அம்மாநில சுகாதாரத்துறை அமைச்சகம் தெரிவித்துள்ளது.
டெல்லியில் அதிகரித்து வந்த கொரோனா பாதிப்பு கடந்த சில நாட்களாக பாதிக்கப்படுவர்களின் எண்ணிக்கை சற்று குறைந்தே வருகிறது. இந்த நிலையில் டெல்லி சுகாதாரத்துறை சார்பில் இன்று வெளியிடப்பட்ட அறிக்கையின் அடிப்படையில், இன்று ஒரே நாளில் மேலும் 1,257 பேருக்கு கொரோனா தொற்று உறுதி செய்யப்பட்டு இருப்பதாக தெரிவிக்கப்பட்டுள்ளது. இதனால் டெல்லியில் மொத்த கொரோனா பாதிப்பு எண்ணிக்கை 1,47,391 ஆக அதிகரித்துள்ளது.
இன்று ஒரேநாளில் அந்த மாநிலத்தில் 8 பேர் கொரோனாவால் பலியாகியுள்ளனர். இதுவரை டெல்லியில் கொரோனா பாதிப்பிற்கு பலியானவர்களின் எண்ணிக்கை 4,139 ஆக உயர்ந்துள்ளது. மேலும் இன்று 727 பேர் கொரோனா பாதிப்பில் இருந்து பூரண குணமடைந்து வீடு திரும்பி இருக்கின்றனர். இதனால் கொரோனா தொற்றில் இருந்து மீண்டவர்களின் எண்ணிக்கை 1,32,384 ஆக அதிகரித்துள்ளது. டெல்லியில் தற்போது வரை 10,868 பேர் மருத்துவமனையில் சிகிச்சை பெற்று வருவதாக டெல்லி சுகாதாரத்துறை தெரிவித்துள்ளது.