வெஸ்ட் இண்டீஸ் – அயர்லாந்து அணிகளுக்கு இடையேயான 2-வது ஒருநாள் போட்டி ஒத்திவைக்கப்பட்டுள்ளது.
வெஸ்ட் இண்டீஸில் சுற்றுப்பயணம் மேற்கொண்டுள்ள அயர்லாந்து அணி 3 ஒருநாள் மற்றும் ஒரு டி20 போட்டியில் விளையாடுகிறது. இதில் இரு அணிகளுக்கு இடையேயான முதல் ஒருநாள் போட்டியில் 24 ரன்கள் வித்தியாசத்தில் வெஸ்ட் இண்டீஸ் அணி வெற்றி பெற்றது. இந்நிலையில் இரு அணிகளுக்கு இடையிலான 2-வது போட்டி ஜமைக்காவில் இன்று நடைபெற இருந்தது.
ஆனால் அயர்லாந்து அணியில் வீரர்கள் சிலருக்கு கொரோனா தொற்று பாதிப்பு உறுதி செய்யப்பட்டதால் இப்போட்டி ஒத்திவைக்கப்படுவதாக இருநாட்டு கிரிக்கெட் வாரியங்களும் அறிவித்துள்ளன. இதற்கு முன்னதாக கொரோனா வைரஸ் அச்சுறுத்தல் காரணமாக அமெரிக்கா- அயர்லாந்து அணிகளுக்கு இடையேயான ஒருநாள் போட்டி ரத்து செய்யப்பட்டது குறிப்பிடத்தக்கது.