கொரோனா நோய் தொற்றால் குஜராத்தில் மேலும் ஒருவர் பலியான சோகம் அரங்கேறியுள்ளது.
கடந்த டிசம்பர் மாதத்தில் சீனாவின் ஹூபேய் மாகாணத்தின் வுகான் நகரில் தொடங்கிய கொரோனா வைரஸ் தற்போது உலகின் 198 நாடுகளில் பரவி கதிகலங்க வைத்துள்ளது. இந்த வைரஸ்ஸின் கொடூர தாக்குதலின் வீரியம் நாளுக்கு நாள் அதிகரித்துக்கொண்டே செல்வதாலும், இதற்கு மருந்து கண்டுபிடிக்க முடியாமல் இருப்பதாலும் உலக நாடுகள் இதனை கட்டுப்படுத்த முடியாமல் திணறி வருகின்றனர்.
இந்தியாவிலும் கொரோனா வைரஸ்ஸின் தாக்கம் வேகமாக பரவி வருகின்றது. 987 பேர் பாதிக்கப்பட்டுள்ள நிலையில் 84 பேர் குணமடைந்துள்ளனர். இந்தியாவில் கொரோனா தொற்றால் சிகிச்சை பெற்று வருவதில் 47 பேர் வெளிநாட்டினர் உட்பட 879 பேர் சிகிச்சை பெற்று வரும் நிலையில் பலி எண்ணிக்கை 20ஆக அதிகரித்திருந்தது
இந்நிலையில் குஜராத் மாநிலம் அஹமதாபாத்தில் கொரோனாவால் பாதிக்கப்பட்டு சிகிச்சை பெற்று வந்தவர் ஒருவர் உயிரிழந்ததால் குஜராத்தில் மட்டும் பலி எண்ணிக்கை 5ஆக உயர்ந்துள்ளது. இதன் மூலம் இந்தியாவில் பலி எண்ணிக்கை 21ஆகஅதிகரித்துள்ளது. இந்தியவில் 15,24,266 பேர் கொரோனா சோதனைக்கு உட்படுத்தப்பட்டனர் என்பது குறிப்பிடத்தக்கது.