கொரோனாவின் தாக்கத்தால் ‘தளபதி65’ படத்தின் படப்பிடிப்பு தள்ளி வைக்கப்பட்டுள்ளது.
தமிழ் சினிமாவில் முன்னணி நடிகராக வலம் வரும் விஜய் தற்போது நெல்சன் திலீப் குமார் இயக்கத்தில் ‘தளபதி 65’ படத்தில் நடித்து வருகிறார். சன் பிக்சர்ஸ் நிறுவனம் தயாரிக்கும் இப்படத்தில் விஜய்க்கு ஜோடியாக பிரபல நடிகை பூஜா ஹெக்டே நடித்துவருகிறார். மேலும் அபர்ணா தாஸ், யோகி பாபு, விடிவி கணேஷ் உள்ளிட்ட நட்சத்திரங்கள் இப்படத்தில் முக்கிய கதாபாத்திரத்தில் நடித்து வருகின்றனர்.
இப்படத்தின் முதல்கட்ட படப்பிடிப்பு ஜார்ஜியாவில் நடந்து முடிந்த நிலையில் தற்போது சென்னையில் இரண்டாம் கட்ட படப்பிடிப்புக்கான வேலைகள் நடைபெற்று வருகிறது.ஆனால் தற்போது தமிழகம் முழுவதும் கொரோனா தொற்றின் தாக்கம் வேகமாக பரவி வருவதால் ‘தளபதி65’ படத்தின் இரண்டாம் கட்ட படப்பிடிப்பை படக்குழு தள்ளி வைத்துள்ளதாக தெரியவந்துள்ளது.