இந்தியாவில் 1071 பேருக்கு கொரோனா தொற்று உறுதி செய்யப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது.
இந்தியாவில் பாதிப்பு குறித்து காலை , மாலை என இரண்டு நேரங்களில் மத்திய சுகாதாரத்துறை அமைச்சகத்தின் சார்பில் புள்ளிவிவரம் கொடுக்கப்பட்டு வருகிறது. இதில் தற்போது இருக்கக்கூடிய இந்த தகவலின்படி கொரோனா தொற்று உறுதி செய்யப்பட்டவர்களின் எண்ணிக்கை 1071ஆக அதிகரித்துள்ளது. 100 பேர் கொரோனா வைரஸ் தாக்கத்திலிருந்து குணம் அடைந்து இருப்பதாகவும், உயிரிழந்தோரின் எண்ணிக்கை 29ஆக அதிகரித்துள்ளது என்று தெரிவிக்கப்பட்டுள்ளது.
இன்று காலை வந்த தகவலின் படி மகாராஷ்டிராவில் கிட்டத்தட்ட 70க்கும் அதிகமானோரும், தலைநகர் டெல்லியில் 80க்கும் மேற்பட்டோரும் கொரோனா அறிகுறியுடன் மருத்துவமனையில் அனுமதிக்கப்பட்டிருக்கிறார். அதே போல ராஜஸ்தான், குஜராத், மத்திய பிரதேசம், கேரளா உள்ளிட்ட மாநிலங்களிலும் அதிகமானோர் அனுமதிக்கப்பட்டுள்ளனர். எனவே இன்று மாலை பாதிக்கப்பட்டோர் எண்ணிக்கை மேலும் அதிகரிக்கும் என்று சொல்லப்டுகின்றது.