உலகளவில் கடைசி 7 தினங்களில் கொரோனா வைரஸ் உயிரிழப்பு எண்ணிக்கை 100% அதிகரித்துள்ளது.
சீனாவில் தொடங்கி உலகையே மிரட்டி வரும் கொரோனா வைரஸ் 200 நாடுகளை கதிகலங்க வைத்துள்ளது. நாளுக்கு நாள் பலி எண்ணிக்கையும், பாதிக்கப்பட்டோரின் எண்ணிக்கையும் அதிகரித்து கொண்டே செல்கின்றது. இந்த வைரஸ் கொடூர தாக்குதலின் வீரியம் ஒருபுறம் அதிகரித்துக்கொண்டே சென்றாலும், மறுபுறம் இதற்கு மருந்து கண்டுபிடிக்கும் பணியில் அமெரிக்க உட்பட பல்வேறு நாடுகள் முயற்சி செய்து வருகின்றன.
ஆனால் இன்னும் கண்டுபிடிக்க முடியாமல் இருப்பதால் உலக அளவில் பலி எண்ணிக்கை ஜெட் வேகத்தில் உயர்ந்து கொண்டே செல்கிறது. குறிப்பாக ஐரோப்பிய நாடுகளான இத்தாலி, ஸ்பெயின், ஈரான் உள்ளிட்ட நாடுகள் தான் கொரோனாவின் பிடியில் சிக்கி தவிக்கிறது.
உலகளவில் கொரோனா வைரசால் உயிரிழந்தோர் எண்ணிக்கை 43,269 ஆக அதிகரித்துள்ளது. மேலும் 8,72,447 பேர் பாதிக்கப்பட்டுள்ள நிலையில், 1,84,482 பேர் குணமடைந்து வீடு திரும்பியுள்ளனர். கொரோனா வைரசால் இத்தாலி, ஸ்பெயின், சீனா, பிரான்ஸ், ஈரான், அமெரிக்கா ஆகிய நாடுகள் நாளுக்குநாள் அதிக உயிரிழப்பை சந்தித்து வருகிறது.
இந்நிலையில் உலக அளவில் கொரோனா வைரசால் கடைசி 7 நாளில் மட்டும் சராசரியாக ஒரு நாளைக்கு 3003 பேர் மரணமடைந்திருப்பது தெரியவந்துள்ளது.
கடந்த 7 நாட்களின் விவரம் இதோ :
மார்ச் 25 ஆம் தேதி – 21, 282 பேர் பலி
மார்ச் 26 ஆம் தேதி – 24, 073 பேர் பலி
மார்ச் 27 ஆம் தேதி – 27, 343 பேர் பலி
மார்ச் 28 ஆம் தேதி – 30,861 பேர் பலி
மார்ச் 29 ஆம் தேதி – 34,065 பேர் பலி
மார்ச் 30 ஆம் தேதி – 37,774 பேர் பலி
மார்ச் 31 ஆம் தேதி – 42,309 பேர் பலி