தமிழ் சினிமாவில் உச்ச நட்சத்திரமாக ஜொலிக்கும் தல அஜித் தற்போது எச். வினோத் இயக்கத்தில் போனி கபூர் தயாரிப்பில் துணிவு என்ற திரைப்படத்தில் நடித்து வருகிறார். இந்த படத்தில் மஞ்சு வாரியர் கதாநாயகியாக நடிக்க, ஜிப்ரான் இசையமைக்கிறார். இந்த படம் பொங்கல் பண்டிகையை முன்னிட்டு ரிலீஸ் ஆகும் நிலையில், நடிகர் விஜய்யின் வாரிசு திரைப்படமும் பொங்கல் பண்டிகையை முன்னிட்டு ரிலீஸ் ஆகிறது. அதன் பிறகு துணிவு திரைப்படத்திலிருந்து சில்லா சில்லா, காசேதான் கடவுளடா, கேங்ஸ்டா போன்ற பாடல்கள் ரிலீஸ் ஆகி ரசிகர்கள் மத்தியில் நல்ல வரவேற்பை பெற்றது.
இந்நிலையில் துணிவு திரைப்படத்தின் கதாபாத்திரங்கள் குறித்த போஸ்டரை தற்போது படக்குழு வெளியிட்டுள்ளது. அதன்படி நடிகர் பிரேம், பிரேம் என்ற கதாபாத்திரத்திலும், பட்டிமன்ற பேச்சாளர் மோகனசுந்தரம் மைபா என்ற கதாபாத்திரத்திலும், நடிகர் பக்ஸும் ராஜேஷ் என்ற கதாபாத்திரத்திலும், நடிகர் ஜான் கொக்கன் க்ரிஷ் என்ற கதாபாத்திரத்திலும் நடித்துள்ளனர். மேலும் இந்த போஸ்டர்கள் தற்போது சமூக வலைதளங்களில் வைரலாகி வருகிறது.
