சூரத்திலுள்ள சாலையோர கடையில் இந்திய அணியின் ஆல் ரவுண்டர் குர்னால் பாண்டியா உணவு உண்ட காட்சி இணையதளத்தில் வைரலாகியுள்ளது.
ஹர்திக் பாண்டியாவின் சகோதரரான இந்திய அணியின் ஆல்ரவுண்டர் குர்னால் பாண்டியா,விஜய் ஹசாரே கோப்பை ஒருநாள் கிரிக்கெட் தொடரில் விளையாடியுள்ளார். மேலும் இவர் பரோடா அணியின் கேப்டன் என்பதும் குறிப்பிடத்தக்கது. விஜய் ஹசாரே கோப்பைக்கான கிரிக்கெட் போட்டிகள் நிறைவடைந்த நிலையில் அரையிறுதி சுற்றுக்கு முன்னேறாத வீரர்கள் சொந்த ஊருக்கு திரும்பும் நிலை ஏற்பட்டுள்ளது.
அதனால் ஊருக்கு திரும்பிய குர்னால் பாண்டியா செல்லும் வழியில் சூரத் அருகே பிப்லோட் பகுதியிலுள்ள சாலையோர கடையில் அமர்ந்து உணவு உண்டுள்ளார். இக்காட்சியினை அங்கிருந்த நபர் வீடியோ எடுத்து வலைத்தளத்தில் பதிவிட்டுள்ளார். இந்த காணொளி தற்போது சமூக வலைத்தளத்தில் வைரலாகி வருகிறது.
