கொரோனா நோய் தொற்றால் நேற்று மட்டும் 748 பேர் ஸ்பெயின் உயிரிழந்தது மக்களிடையே சோகத்தை ஏற்படுத்தியது.
கடந்த டிசம்பர் மாதம் சீனாவின் ஹூபேய் மாகாணத்தின் வுகான் நகரில் கண்டுபிடிக்கப்பட்ட கொரோனா வைரஸ் தற்போது உலகின் 198 நாடுகளில் பரவி கதிகலங்க வைத்துள்ளது. இந்த வைரஸ் கொடூர தாக்குதலின் வீரியம் நாளுக்கு நாள் அதிகரித்துக்கொண்டே செல்வதாலும், இதற்கு மருந்து கண்டுபிடிக்க முடியாமல் இருப்பதாலும் உலக நாடுகள் இதனை கட்டுப்படுத்த முடியாமல் திணறி வருகின்றனர்.
நாளுக்கு நாள் பலி எண்ணிக்கையும் , பாதிக்கப்பட்டோரின் எண்ணிக்கையும் அதிகரித்துக் கொண்டே செல்கின்றது. உலகளவில் கொரோனா வைரஸ் தாக்கத்தால் 857,299 பேர் பாதித்துள்ளனர். 177,141 பேர் குணமடைந்த நிலையில் 42,114 பேர் உயிரிழந்துள்ளனர். 638,044 பேர் சிகிச்சை பெற்று வரும் நிலையில் 32,297 பேர் இக்கட்டான நிலையில் இருந்து வருகின்றனர்.
கொரோனா வைரசால் தாக்கத்தால் நேற்று ஒரே நாளில் மட்டும் 748 பேரை ஸ்பெயின் இழந்துள்ளது. அங்கு கொரோனா தொற்று 95,923 பேருக்கு உறுதி செய்த நிலையில் 8,464 பேர் உயிரிழந்துள்ளனர். இதில் 19,259 குணமடைந்த நிலையில் 68,200 சிகிச்சை பெற்று வருகின்றனர். கொரோனா தொற்றால் 8,464 உயிரிழந்த நிலையில் 3,893 பேரின் உடல்நிலை மிகவும் மோசமாக இருக்கின்றது. ஸ்பெயினை விட இத்தாலி நேற்று ஒரே நாளில் 837 பேர் உயிரிழந்ததுள்ளது குறிப்பிடத்தக்கது.