பஞ்சாப் அணியுடனான போட்டியில் சிஎஸ்கே அணி வெற்றி பெற்றது குறித்து அவ்வணியின் தலைவர் கேப்டன் தோனி கருத்து தெரிவித்துள்ளார்.
ஐபிஎல் 2020 போட்டியில் ரசிகர்கள் பெரிய அளவில் வெற்றியை சுவைக்க கூடிய அணியாக சென்னை சூப்பர் கிங்ஸ் அணி திகழவேண்டும் என ஆசைப்படுகிறார்கள். ஆனால், ரசிகர்களின் ஆசையை பஞ்சாப் அணியின் போட்டிக்கு முந்தைய மூன்று போட்டிகளில் சென்னை அணி நிறைவேற்றவில்லை. மும்பை அணியுடனான போட்டியில் வெற்றி பெற்ற பிறகு, தொடர்ச்சியாக மூன்று தோல்விகளை சென்னை சூப்பர் கிங்ஸ் அணி தழுவி வந்ததையடுத்து,
பஞ்சாப் அணியுடன் அபார வெற்றியை சென்னை சூப்பர் கிங்ஸ் அணி பெறவே, பலரும் வெற்றி குறித்து பாராட்டுகளை தங்களது சமூக வலைதளங்களில் பதிவிட்டு வருகின்றனர். அந்த வகையில் சிறிய விஷயங்களை சரியாக செய்தோம் என்று நினைக்கிறேன் என சிஎஸ்கே கேப்டன் தோனி இது குறித்து கருத்து தெரிவித்துள்ளார். அதில், கடந்த மூன்று ஆட்டங்களில் எதிரணியினரின் ரன்களை கட்டுப்படுத்துவதில் கூடுதல் நெருக்கடி அளிக்க தவறிவிட்டோம் என்று கூறிய தோனி, டூபிளசி அணிக்கு நங்கூரம் போன்றவர் என்று புகழ்ந்தார். மேலும் இனிவரும் ஆட்டங்களில் சிறப்பாக விளையாடுவோம் என்றும் நம்பிக்கை தெரிவித்துள்ளார்.