சென்னை அணிக்கு எதிரான ஆட்டத்தில் கொல்கத்தா அணி 6 விக்கெட் இழப்புக்கு 171 ரன்கள் குவித்துள்ளது .
14-வது சீசன் ஐபிஎல் தொடரின் இரண்டாவது பகுதி ஆட்டம் விறுவிறுப்பாக நடைபெற்று வருகிறது.இதில் இன்று நடைபெற்று வரும் 38-வது லீக் ஆட்டத்தில் சென்னை சூப்பர் கிங்ஸ்-கொல்கத்தா நைட் ரைடர்ஸ் அணிகள் மோதுகின்றன .இதில் டாஸ் வென்ற கொல்கத்தா அணி பேட்டிங் தேர்வு செய்தது .அதன்படி முதலில் களமிறங்கிய கொல்கத்தா அணியில் தொடக்க வீரர்களாக சுப்மன் கில்- வெங்கடேஷ் ஐயர் ஜோடி களமிறங்கினர்.இதில் சுப்மன் கில் 9 ரன்னில் வெளியேற, அவரைத் தொடர்ந்து வெங்கடேஷ் 18 ரன்னில் வெளியேறினார் .இதன்பிறகு ராகுல் திரிபாதி – கேப்டன் மோர்கன் ஜோடி சேர்ந்தனர் . இதில் மோர்கன் 8 ஆட்டமிழந்தார் .
அடுத்ததாக களமிறங்கிய நித்திஷ் ராணா , ராகுலுடன் ஜோடி சேர்ந்தார் .இதில் அதிரடி ஆட்டத்தை வெளிப்படுத்தி வந்த ராகுல் திரிபாதி அரைசதம் அடிப்பார் என எதிர்பார்க்கப்பட்ட நிலையில் 45 ரன்னில் வெளியேறினார் .இதன் பிறகு களமிறங்கிய ஆண்ட்ரே ரசல் 22 ரன்னும் , தினேஷ் கார்த்திக் 26 ரன்னும் எடுத்து ஆட்டமிழந்தனர் .இதில் நித்திஷ் ராணா 37 ரன்னுடன் இறுதிவரை ஆட்டமிழக்காமல் இருந்தார் .இறுதியாக கொல்கத்தா அணி 20 ஓவர் முடிவில் 6 விக்கெட் இழப்புக்கு 171 ரன்கள் குவித்துள்ளது. இதில் சிஎஸ்கே அணி தரப்பில் ஷர்துல் தாகூர் மற்றும் ஜேசன் ஹோல்டர் தலா 2 விக்கெட்டும் , ஜடேஜா ஒரு விக்கெட்டும் கைப்பற்றினர்.