தப்பித்த விசாரணை கைதிகள்… சுற்றி வளைத்த காவல்துறையினர்… சென்னையில் பரபரப்பு…!!

காவல் நிலையத்தில் இருந்து தப்பி ஓடிய 3 கைதிகளில் ஒருவரை தனிப்படை காவல்துறையினர் கைது செய்துள்ளனர்.

சென்னை மாவட்டத்திலுள்ள வியாசர்பாடி காவல்துறையினர் சத்தியமூர்த்தி நகர் அசோக் பில்லர் அருகில் வாகன சோதனையில் ஈடுபட்டு கொண்டிருந்தனர். அப்போது அங்கு சந்தேகப்படும்படியாக சுற்றித் திரிந்த பிரபல ரவுடியான அஜித்குமார், ஜெகதீஸ்வரன், அஜய் புதா ஆகிய 3 பேரையும் காவல்துறையினர் பிடித்து விசாரிப்பதற்காக காவல் நிலையத்திற்கு அழைத்துச் சென்றுள்ளனர். இதனையடுத்து இவர்கள் 3 பேர் மீதும் பல்வேறு குற்ற வழக்குகள் நிலுவையில் இருப்பது காவல்துறையினருக்கு தெரியவந்துள்ளது.

அதன்பின் விசாரணை கைதிகள் 3 பேரும் திடீரென காலை நேரத்தில் பணியில் இருந்த சப்-இன்ஸ்பெக்டர் வினோத் குமார் என்பவரை கீழே தள்ளி விட்டு காவல் நிலையத்திலிருந்து தப்பி ஓடி விட்டனர். இதனை தொடர்ந்து தப்பி ஓடிய 3 குற்றவாளிகளையும் தனிப்படை காவல்துறையினர் தீவிரமாக தேடி வந்த நிலையில் பெரம்பூர் ரயில் நிலையத்தை பதுங்கியிருந்த ஜெகதீஸ்வரனை கைது செய்துள்ளனர். மேலும் தனிப்படை காவல்துறையினர் தலைமறைவாக இருக்கும் அஜய்  மற்றும் அஜீத் குமாரை வலை வீசி தேடி வருகின்றனர்.