தீபா பேரவை அதிமுகவுடன் இணைந்தது செயல்படுமென்று ஜெயலலிதா அண்ணன் மகள் தீபா அறிவித்துள்ளார்.
தமிழக முன்னாள் முதல்வர் ஜெயலலிதா மறைவுக்கு பின் அதிமுக_வை சசிகலா கைப்பற்ற முயற்சித்த நிலையில் அதிமுக பல்வேறு அணிகளாக பிரிந்தது. சசிகலா , EPS , டிடிவி தினகரனை உள்ளடக்கி அதிமுகவும் , ஓபிஎஸ் தலைமையில் ஒரு அணியும் , ஜெயலலிதாவின் அண்ணன் மகள் தீபா தலைமையில் ஒரு அணியும் இயங்கி வந்தது. இதை தொடர்ந்து சசிகலா_வுக்கு சொத்துகுவிப்பு வழக்கில் தண்டனை வழங்கியதையடுத்து TTV தினகரனை அதிமுகவில் இருந்து நீக்கிவிட்டு OPS மற்றும் EPS இணைந்தனர்.
அதே போல TTV தினகரனும் அம்மா மக்கள் முன்னேற்ற கழகம் என்று புதிய கட்சியை ஆரம்பித்து அதன் பொதுச்செயலாளராக இருந்து வருகின்றார். இந்நிலையில் ஜெயலலிதாவின் அண்ணன் மகள் தீபா எம்ஜிஆர் அம்மா தீபா பேரவை என்ற அமைப்பை அதிமுகவுடன் இணைத்து விட்டேன் என்று ஜூலை 30-ஆம் தேதி தெரிவித்தார்.இந்நிலையில் இன்று செய்தியாளர்களை சந்தித்த அவர் , எம்ஜிஆர் அம்மா தீபா பேரவை அதிமுகவுடன் இணைந்து செயல்படும் என்று என்று ஒருமனதாக முடிவெடுக்கப்பட்டுள்ளது என்று தெரிவித்தார்.