தீபாவளி பண்டிகையை முன்னிட்டு தெற்கு ரயில்வே சிறப்பு ரயில்களை அறிவித்துள்ளது.
தீபாவளி பண்டிகை வரும் 27ம் தேதி கொண்டாடப்படுகிறது. சொந்த ஊர்களில் தீபாவளியை கொண்டாட விரும்புவோரின் வசதியைக் கருதி வரும் 20ஆம் தேதி முதலே தெற்கு ரயில்வே சிறப்பு ரயில்களை அறிவித்துள்ளது. அதன்படி தாம்பரம் to நெல்லை இடையே அக்டோபர் 20, 21, 23 ஆகிய தேதிகளில் சுவிதா சிறப்பு கட்டண ரயில்கள் இயக்கப்படும் என்று தெரிவிக்கப்பட்டுள்ளது. தீபாவளி பண்டிகை முடிந்து திரும்புவோர் வசதிக்காக நாகர்கோவில் தாம்பரம் இடையே அக்டோபர் 29, 30 ஆகிய தேதிகளில் சுவிதா சிறப்பு கட்டண ரயில்கள் இயக்கப்படும் என்றும் தாம்பரம் to திருச்சி இடையே அக்டோபர் 30-ஆம் தேதி சிறப்பு ரயில் இயக்கப்படும் என்றும் கூறப்பட்டுள்ளது.